Его же просиши, будет ти. – Святый Георгий речет человеку: мыслиши на сердце своем, сбудется. Бог тебе на помощь и святый Георгий во орудии сем.

Его же просиши, не будет ти дела. – Рече Господь человеку: от света сего хочеши идти во тьму; и ты, человече, отыди от дела сего, несть ти на пользу.

Несть здесь того. – Олово со златом разделяется, не делано погибнет: тако ты, человече, мыслиши дело твое; прокуды в орудии сем, без вести погибнет. Спождание будет.

Господи надейся, человече. – Надейся, человече, на Бога во орудии твоем: добро ти будет. Бог тебе на помощь.

Разумеваяй, его же хощеши. – Рече Господь человеку: (что) мыслиши на сердце, то твори, а лихих дел не думай: без беды и без печали избавлен будеши. Бог тебе на помощь.

Сохранит тя, чадо, Господь в деле сем. – Рече Господь человеку: велико дело просиши дару у Бога; мало времени потерпи: твое дело не срамно будет ти; не тужи: после печали радость будет. Бог тебе на помощь.

Сбудется добро. – Рече святый Симон: пчела летит на красен цвет и сбирает сладость, святым церквам на каноны: так и ты, человече, мыслиши на сердцы, радостию совершится. Бог тебе на помощь.

Дело твое совершится. – Глаголет святый Марко: человече, во глубинах морских ходиши; возьми разум к Богу, да не погибнеши. Святый Марко-евангелист во орудии сем пособник.

Дело приходит. Святые отцы Косьма и Дамиан рече: что мыслиши на сердце твоем, твори, человече: не будет ти пакость. Бог ти на помощь и святые Косьма и Дамиан.

Не печалуйся: будет ти добро. – Святая Пятница держит кресты во орудии сем. Есть на тя врази в деле сем, но ничем тя не навредят. Бог тебе на помощь и Святая Пятница.

Великое дело дано се дано ти, на свет приводит. – Аще есть щит, на нем заяц бел сидит, и прилетел ангел и понес на небеса, а тут села сова; тако и ты, человече; мыслиши правдой жити, придет орудие твое в радость и веселие.

Тяжко дело се на свет приходит. – Рече апостол Павел: человече, мыслеши и надейся, а есть чудно дело твое, о нем же вопрошаеши. Святый Боже, иже питаеши, только праведно ходиши. Добро ти будет во имя Господне.

Радость сердцу твоему будет. – Якоже заря весь мир освещает, так и орудие твое светло просветится. Бог тебе на помощь в орудии твоем.

Истинно дело се будет. – Рече Господь человеку: ее уготованная впредь благая земная прилагают вернии и предлагают ветры, море си уляжется и утихнет, солнцу светло на всех сияет; так и ты, человече, и твое орудие; после печали радость придет и корысть дело твое. Бог тебе на помощь.

Помолися Богу, дело твое добро будет. – Рече Господь человеку: что мыслиши на своем сердце, наступай и согна неприязненных, отыди от дела се, возьми разум к Богу, да добро ти будет. Бог тебе на помощь во орудии сем.

Измени мысль свою, не твори дела своего. – Что, человече, на сердце своем мыслиши, не твори того: нет ти на пользу; во орудии сем с пакостью и трудом приходят; орудие твое будет [без успеха].

Покайся, да не внидоши в напасть. – Рече Господь человеку: ты мыслиши на сердце своем злую мысль – несть пользы в ней. Уклонися от нее, сотвори благо. Бог тебе на помощь. Аще не сотвориши добра, несть ти пользы.

Не будет орудия сего тебе. – Град есть каменен, вереи железны, врата медные твердо заключены. О, человече, не ступай на острое оружие, не погуби души своей, от зла; лишишься орудия своего; несть ти пользы.

Услышит Господь молитву твою. – Рече пророк Иона человеку: возопих в печали моей ко Господу Богу моему, услыша мя из чрева адова вопль мой.