«Благочестивому, православному, Богом венчанному, державному, милостью Божиего великому государю, царю и великому князю Алексею Михаиловичу, всеа Русин самодержцу и многих государств государю и обладателю, смирение наше молит вседержителя Бога и святаго и живодавнова Гроба Господа нашего Иисуса Христа, да подасти вашему царскому величеству здравие, благоденствие, умножение на всякое благое, державу и победу на врагов видимых и невидимых, душевное спасение и телесное здравие в бесконечные веки аминь.

Слышачи мал и велик достохвальное имя мудрости, и великолепие, и добродеяние, аще и юн сый в возрасте своем царь Соломон, но велию благодать дарова ему Царь царей и Господь, восприбегали ото всего свету с великою радостью и желанием видети и восприяти пресветлое лице его и слышати гласа его, и то имели великое дарование себе. Такожде благочестивый, христианский, Богом почтенный царю и самодержцу Московский и всеа Руси, государь и великий князь Алексей Михайлович, слыша и мы, богомольцы ваши, преславное и похвальное имя, добродетельное, разумное и Богом дарованное, им же никтоже не украшен, токмо святое ваше царствие бысть, и сего ради мы не устрашилися путных трудов, не побоялись погибели морские, разбойников, ни воинских людей, но приехали есми с великою радостью получити (видети?) Богом почтенное лице державного вашего царствия в юне возрасте, а в старости смышленаго разума, аки Соломон от святости подорован. Христианский [С. 137] царю! ино вам даровал великодарный Господь толикой дар милости и благословити вас, якож и преже мене блаженные патриарси бывших благочестивых царей и самодержцев, дедов и прадедов превысочайшаго вашего царствия, благословили. Пресвятая Троица – Отец, Сын и Сбитый Дух, едино царство и господство, благословит державное ваше царствие, да умножит вас превыше всех царей и покажет вас победителем и одолетелем на сопротивных видимых и невидимых врагов, якоже и древних и новых царей – царя Давида, царя Езекия и великаго царя Константина, да утвердит вас и умножит лета во глубине старости, благополучно сподобит вас восприяти вам превысочайший престол великаго царя Константина, прадеда вашего, да освободишь народ благочестивых и православных христиан от нечестивых рук, от лютых зверей, что поедают немилостиво; да будеши новый Моисей, да освободиши нас от пленения, якоже он освободил сынов израилевых от фараонских рук жезлом, знамением лестнаго животворящаго креста. Якоже соблюл Господь невредимо трех отроков от пещи огненной и пророка Даниила от лютых львов, такоже соблюдет и святое ваше царствие от всякаго зла и ото всякаго видимаго и невидимаго врага, да подаст вам всякое благое небесное и земное, и потом во глубокой старости сподобит вас святому его царствию и в лик благочестивых и православных царей праотцев ваших, якоже и великого царя Константина, что он бысть первый сорудитель, и освободил сбитый и живодавный Гроб Господа нашего Иисуса Христа не токмо супротивных православные христианские веры, и еще от ненавистников и еретиков и агарян, и сего [С. 138] ради нарекся от святых отец равноапостолом. О сем молим державной силе Господней, також и великое ваше царствие, воспомянеши и призриши прежних деяний, и как ныне пребывает сия святая наша Церковь, мати всем Церквам, изобижена и попираема от безбожных насильников-агарян и супротивных еретиков, для своей славы, и сего ради великое ваше царствие покажеши и объявиши милость и помощь к сей божественной нашей Церкви, получинш и будеши имети такое же имя равноапостолом царя Константина».