Ныне приступих грешный и обремененный к Тебе, Создателю и Судии моему, и не имам бо в себе оправдания, ниже в делах моих, но да в Тебе, Спасе, оправдаюся.

О, горе мне, грешному! От чрева матери моея исполнен есмь нечистот, к адамовым язвам своя приложиша, и чистоту свою погубил есмь, но Тобой, Всечистителю, да очищуся.

Слава: Безумнее, окаянне человече, в бездне окаляешися безмерных грехов своих, и паки в нее погружаешися, и опраданий Господних отметаешися, сильных изъятии тя от бездны греховныя

И ныне: Мати Божия Пречистая, Сеятели чистоты недоуменно Рождшая, сподоби мя чистоты Твоея приобщитися и от бездны греховныя избавити мя.

Несть Свят, якоже Ты, Господи мой, вознесый рог верных Твоих, Блаже, даровавый нам оправдания Твоя.

Помилуй мя, Боже, и даруй ми оправдания Твоя.

Или

Помилуй меня, Боже, и научи оправданиям Твоим.

Внегда поставлены будут престоли на судищи страшнем, тогда всех человек дела обличатся, бойся, душе, вечного осуждения, и покайся от злых дел своих, и прибеги ко оправданиям Господа и Творца Твоего.

Праведницы возрадуются, и во оправдания Божия внидут, грешницы же по делом осуждения приимут, яже бегоша оправданий Творца и Спасителя Своего.

Слава: Увы мне великогрешному, иже бегая оправданий Господних, не имею чем на суде оправдатися, темже готовлю себе муку вечную.

И ныне: Се, взывает, Госпоже, Сын Твой, чая стяжати рабы Своя, яже избра в друзья Себе чада Премудрости Своея, Ты же в числе тех войти мя сподоби.

Помышляю день страшный, в оньже дела всех обнажатся: како отвещаю Царю и Судии моему, Иже тщится оправдати мя, аз же бегаю с тщанием оправданий Его?

Слава: И ныне: Богородичен

Связан ныне многими пленницами грехов, и оправданий Творца и Спасителя моего отшед, от того в страсти беды впадох, ныне к Тебе прибегаю, моему спасению, и вопию: помози ми, Мати Божия, обрести оправдания Сына Твоего и пути Его.

Христос моя сила, Бог и Господь, Иже пришел еси даровати падшему созданию оправдания Своя, Имже вовеки оправдаюся.

Помилуй мя, Боже, и даруй ми оправдания Твоя.

Или

Помилуй меня, Боже, и научи оправданиям Твоим.

Широк путь зде и угодный сласти творити, имже удобь идут в муку вечную, иже скорбь приимут, егда душа от тела рузлучатися будет. Ты же, Милосердный Спасителю мой, спасительной тесноты и тяготы Пути Твоего, Иже Сам еси, сподоби.

Почто, душе моя, бегаеши оправданий Творца Своего, почто ад и муку себе готовиши? Остави сия и прибеги ко Судии своему, Единому мощи оправдати тя.

Слава: О, безумный человече, почто оправданий Господа своего избегаеши, почто возлюбил еси суету и лжу самонадеянного лукавого века сего, ищущего оправдания себе в безумстве своем? Остави сия и покайся ради оправданий Судии Твоего, Премудрости и Смыслов Подателя.

И ныне: Госпоже Богородице, Мати Господа и Судии моего, сподоби мя стати во оправдниях Сына Твоего Царствия ради Его.

Божиим светом Твоим, Блаже, оправданий Твоих сподоби мя, да покрою греховную наготу мою светом одеяния Твоего.

Помилуй мя, Боже, и даруй ми оправдания Твоя.

Или

Помилуй меня, Боже, и научи оправданиям Твоим.

Вспомяни, окаянный человече, яко лжам, клеветам, лукавству, лжи, суете подлого наглого мира сего приобщен еси, бегаяй Творца твоего оправдания.