Молитва о кознях врага на молитве

Господи Иисусе Христе, Сыне Божий, обличи козни врага моего, ищущего запнути меня, немощного, в молитве моей и положи предел злобе его!

Молитва Господу Иисусу 9

Господи Иисусе Христе, Сыне Божий, Ты бо рекл еси пречистыми усты Твоими: «Просите, и дастся вам» и «Не печитеся убо, глаголюще: что ямы, или что пием, или чем одеждемся. Всех бо сих языцы ищут: весть бо Отец ваш небесный, яко требуете сих всех. Ищите бо прежде Царствия Божия и правды его, и вся сия приложится вам», не попусти мне терпети нужду в чем-либо, да не упрекнут меня противники Твоя в служении Тебе, но пошли мне достаток во всем, да видят сия нечестивии и постыдятся, и заградит всякое нечестие уста своя.

Молитва о избавлении от грехов

Господи Иисусе Христе, покрый грехи моя милостью своею!

Молитва в защиту от врагов Божиих

Яви мне милость Свою, Господи Иисусе Христе, Спасе и Боже наш, да посрамятся вся злословящие мя за верность имени святому Твоему!

Молитва о Победоносце Георгии и царице Александре о вере

Яко мученицу Твою царицу Александру чудесами и знамениями избранного чудотворца Твоего великомученика Георгия к славному исповеданию имени Твоего привел еси, Господи Иисусе Христе, Спасе Боже наш, в слух народа всего гласом велиим прорекши: «Велик Бог Христианский!», тако тех молитвами даруй веру немощней душе моей даже до исповедания Твоего.

Молитва о обвинителях

Господи Иисусе Христе, Сыне Божий, Сам дай ответ обвинителям моим!

Молитва о излиянии Премудрости

Господи Иисусе Христе. Сыне Божий, излей на меня Премудрость Твою!

Молитва о выборе Пути

Господи Иисусе Христе, Истинный и Живый Путю, избави меня от лукавых советователей, ищущих запнути меня и извратити пути моя к самоугождению своему! Ей, Господи Иисусе! Да укажеши путь мой – Ты, Владыко Всемилостиве, а не человек!