Радуйся, душ праведных веселие!
Радуйся, Небесных Сил Бесплотных ликование!
Радуйся, недугов наших исцеление!
Радуйся, всех заблуждений исправление!
Радуйся, всех недоумений скорое и милостивое разрешение!
Радуйся, всех кающихся грешников несумненное прощение!
Радуйся, всех верных на пути Христовом утверждение!
Радуйся, в Царствие Небесное всех верных на пути сопровождение!
Радуйся, Мати милосердия, В скорбях и печалях Утешение подающая!
Кондак 5
Боготечной звезде подобна явися икона Твоя, Богомати, иже всем страждущим и помощи Твоея просящим В скорбях и печалях Утешение подает, подвигая Богу вопияти:
Аллилуйя!
Икос 5
Видя Тя, о Всемилостивая Владычице, яко Всех скорбящих Радость, В скорбях и печалях Утешение подающей, всивернии радостью неизреченной исполняются и вопиют Благословенней:
Радуйся, скорбящимУтешение!
Радуйся, всех скорбных обстояний разрешение!
Радуйся, скорбящих попечение!
Радуйся, всем милости творящим скорбей и печалей облегчение!
Радуйся, печалей избавление!
Радуйся, нечаянное всех благ исполнение!
Радуйся, сердец ожесточенных умягчение!
Радуйся, скорбей на радость обращение!
Радуйся, Мати милосердия, В скорбях и печалях Утешение подающая!
Кондак 6
Проповедницы славниимилости Твоея пребывают все от иконы Твоея В скорбях и печалях Утешение улучившиимилости и Того ради Сыну Твоему поющии:
Аллилуйя!
Икос 6
Возсия икона Твоя, Богомати, яко славное просвещение Истины, Иже есть Господь наш Иисус Христос, Яже посла нам Тя яко Добрую Утешительницу скорбящих, В скорбях и печалях Утешение верным дарующую, да вси Ей утешеннии вопиют к Богородице:
Радуйся, скорбящихутешение!
Радуйся, слез на радость обращение!
Радуйся, всех правды алчущих и жаждущих всемилостивое насыщение!
Радуйся, Истины взыскующихк небесной правде обращение!
Радуйся, от Бога вразумления просящих в разуме Христовом утверждение!
Радуйся, плотского суетного разума, иже буйство есть пред Богом, отвержение!
Радуйся, о Бозеплачущим Всемилостивая Воздаятельнице!
Радуйся, всем скорби Христа ради претерпевшим Всемилостивая благ Подательнице!
Радуйся, Мати милосердия, В скорбях и печалях Утешение подающая!
Кондак 7
Хотя всем в скорбях и печалях пребывающим Утешение дати Всемилостивый Господь наш нам ТяМати Свою дарова, да вси в бедах пребывающии Благую Утешительницу в Тебе обретают, зовя Сыну Твоему:
Аллилуйя!
Икос 7
Новую Всех скорбящих Радость показа Матерь Свою Господь, В скорбях и печалях Утешение верным дарующую, иже от мира, дьявола и жестокосердных лжебратий в веке сем лукавом, прелюбодейном и грешном терпящим, да вси утешение и скорбей на радость обращение от Нея улучивши, воспоем Ю, вопиюще:
Радуйся, всех верных в скорбях и печалях утешающая!
Радуйся, все скорби и печали к радости небеснейобращающая!
Радуйся, якоСама велия скорби в мире сем лукавом, прелюбодейном и грешном люто претерпевшая!
Радуйся, и нам всем скорби терпящим всем сердцем сострадатинаучающая!
Радуйся, Воскресением Сына Своего Возлюбленного несказанно утешенная!
Радуйся, и нам В скорбях и печалях Утешение дарующая!
Радуйся, Твоя бо скорбь велияпретворися в Радость несказанную!
Радуйся, и нам, Христа ради скорби претерпевшим, скорбей на радость преложение дарующая!
Радуйся, Мати милосердия, В скорбях и печалях Утешение подающая!
Кондак 8
Странно есть сынам лукавого и суетного века сего видети, как всивернии, велия скорби в мире сем терпящи, яко, по глаголу Сына Твоего, ненавидит их мир, к славному ходатайству Твоему прибегая, скорое утешение, скорбей избавление и на радость их обращение от Тебя обретают, Сыну Твоему вопиюще:
Аллилуйя!
Икос 8
Вся бо в вышних ныне пребываеши, о Всемилостивая, но и нас нижних не оставляеши славным Своим заступлением, к ходатайству Твоему всегда прибегающим и помощи и утешения Твоих просящим, сего ради и слышиши сия: