О Пресвятая и преблагословенная Мати Господа, Бога и Спаса нашего Иисуса Христа, Милостивая Богородице и Приснодево Марие!

Припадая к святей и чудотворней иконе Твоей, смиренно молимся Тебе, Благой и Милосердной Заступнице нашей: вонми гласу грешных молений наших, не презри воздыханий от души, виждь скорби и беды нас обышедшия, и яко любвеобильная воистину Мати потщися на помощь нам безпомощным, унылым, во многия и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконими нашими, но явит нам человеколюбную Свою милость. Испроси нам, Владычице, у благости Его, телесное здравие и душевное спасение, благочестное и мирное житие, земли плодоносие, воздуха благорастворение, дожди благовременны и благоговение свыше на вся благая дела и начинания наша, и якоже древле призрела еси милостиво на смиренное славословие послушника Афонскаго, воспивавшаго Ти песнь хвалебную пред Пречистою иконою Твоею, и послала еси к нему Архангела Гавриила научити его пети песнь небесную, еюже славословят Тя Ангели горе, сице приими благоутробно и наше ныне усердно приносимое Тебе молитвословие, и принеси е Сыну Твоему и Богу, да милостив будет Он нам грешным, и пробавит милость Свою всем чтущим Тя и с верою покланяющимся Святому образу Твоему.

О Царице Всемилостивая, Мати Божия Всеблагая, простри к Нему Богоносныя Твои руки, имиже Его, яко младенца носила еси, и умоли Его вся ны спасти и избавити погибели вечныя. Яви нам, Владычице, Твоя щедроты: болящия исцели, скорбящия утеши, бедствующим помози: благопоспеши всем нам носити иго Христово в терпении и смирении, сподоби нас благочестно житие сие земное скончати, Христианскую непостыдную кончину получити, и Небесное Царствие унаследити, Матерним ходатайством Твоим к родшемуся от Тебе Христу Богу нашему, Емуже со Безначальным Его Отцем и Пресвятым Духом, подобает всякая слава, честь и поклонение, ныне и присно, и во веки веков. Аминь.

Память 13 января (31 декабря). К святой обращаются при разных недугах, а также при тяжелом течении беременности и трудных родах.

Против ее воли родители выдали Меланию замуж за знатного юношу Апиниана. После тяжелых родов у них умерли сын и дочь. Супруги дали обет непорочной жизни, сшив власяницу, святая носила ее, не снимая. Блаженные творили благодеяния: посещали больницы, тюрьмы, ссылки и рудники, освобождая несчастных, которые содержались там за долги. Они приобрели земли для обителей и монастырей в Палестине, Сирии, Египте, Финикии и Междуречье. На свои средства Мелания и Апиниан выстроили несколько храмов и приютов для страждущих. Семь лет святые творили добро в Африке. В Иерусалиме раздав бедным оставшиеся у них деньги, святые нищенствовали и проводили дни свои в молитвах. Уйдя в затвор в келье на горе Елеонской, святая Мелания иногда встречалась со святым Апинианом. Со временем вокруг ее кельи был создан монастырь. Святая угодница Мелания преставилась пред Господом в 439 году.

О преславная мати Мелание, скорая наша помощнице и заступнице и неусыпная о нас молитвеннице! Предстояще пречистому образу твоему и тя, яко живу сущу, зряще, припадающе молимся тебе: приими прошения наша и принеси я ко Престолу Милосердаго Отца Небеснаго, яко дерзновение к Нему имущая; испроси притекающим к тебе и всем православным христианом вечное спасение и временное благоденствие, на вся благая дела и начинания наша щедрое благословение, от всяких бед и скорбей скорое избавление. Ей, чадолюбивая мати наша, тебе, предстоящей Престолу Божию, ведомы нужды наша духовнии и житейскии, призри на ня матерним оком, и твоими молитвами отврати от нас колебание всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем, и словесы и писании и делами, славится среди нас Всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава, во веки веков. Аминь.